كفرقرع : فراس بدحي في اول يوم له يفرض حلول ولو مؤقته لحل ازمة تجمع المياه بمدخل كفر قرع

إدارة الموقع | 06/12/2018

على ضوء ازمة تجمع المياه في مدخل كفر قرع فرض المحامي فراس بدحي ايجاد حلول اوليه لكي يتسنى تخفيف ازمة تجمع المياه بالمدخل الرئيسي لكفر قرع وعلى ضوء ذالك باشر موظفي المجلس بفتح ثغرات بالجدار الغربي لتسريب المياه وايضا حفر ابار بالجهه الشرقيه من الشارع لتتجمع فيها المياه ومن ثم تشغيل ماكنات لضخ المياه خارج مسار الشارع كحل مؤقت

وبهذا الصدد ابرق رئيس المجلس لوزارة المواصلات مطالبا ايجاد حلول جذريه لهذه المشكله التي تعيق السير بمدخل بلدة كفرقرع

فيسبوكيات

اترك تعليقاً

لن يتم نشر عنوان بريدك الإلكتروني.

التعليقات

  1. لازم ينهد،هذا الجدار الهبل،مسكر الفضا والقضا

  2. ربنا يوفقك هاظ الشغل الصح عمي فراس تتواجد بين الناس

  3. كل الاحترام للاخ فراس
    وجود المهندسه وعمال صيانه الشوارع فهمناها ولكن لماذا يترك سكرتير المجلس مكتبه ليتواجد معهم …اعتقد ان ذالك ليس من وظيفته وكان من المفروض ان يقوم بواجبه كسكرتير للمجلس والبقاء بمكتبه لخدمه الناس بدل ان يضيع الوقت ويرافق الرئيس للتصوير ..الم يكفي تصوير السكرتير بالامس ام علينا ان نرى صور السكرتير كل يوم كمرافق للرئيس لمهام ليست من اختصاصه كموظف وكسكرتير للمجلس المحلي
    ارجو النشر

  4. عأساس مدخل تم تكلفته 3 مليون شيكل ولسى بدك تاخد قرض عشان تكملوا شو السيره المياه مش عامل حسابها حسبي الله ونعم الوكيل

  5. الله معك يا رئيسنا نورت البلد كلها فيك

  6. وين المصاري اللي رماها السيد حسن بهذا الشارع

  7. هاي العالم الي بدها تشتغل بتنزل عالشارع مش من مكتبها من بعيد لبعيد الله يقويك ويحميك انت عنجد سندنا وظهرنا

  8. كل الاحترام والتقدير
    موفق بعملك والى الامام

  9. باي باي حسن وجماعته ،
    خليكم بالبيت ،
    وشوفو الشغل المزبوط

  10. يعطيك العافية فراس… ان شاء الله تعمل لمصلحة البلد
    بس الي بده يشتغل من قلب وضمير بشتغل عالساكت مش شوفوني يا ناااااس
    وبعدين الي بحكي عن حسن وجماعته ينخرس احسنله… الله بحب حسن ومخلهوش يكمل مع هيك ناس بتخزي في البلد
    لأنه مستوى حسن أعلى من هيك عالم

    موقع البرق انشر التعليق….. مش بس تنشر تعليقات جماعة فراس

  11. يا ابناء البلد ان شاء. الله بتظلو ا مقهورين من حسن وجماعتو ا واللي بدكم تهدو هدو واللي بدكم تعملو اعملوا حسن تريح منكم اصلا والباي باي تانشوف شو بدها تعمللك بكره بنسمع كديش بدكم تتحملوا. باي

  12. يعني كمية الحقد والغيرة في بعض التعليقات مستفزة وعنصرية عنجد صرتوا بلد الواحد يستحي فيكم قاعدين لبعض عالنقرة يا عمي الزلمه نزل عالشارع وبشتغل وعلق مع عالم شاطره بس تنظر وتكسر مجاديف بعض ولكم ارتقوا والي صار رئيس بظل ابن هالبلد وللبلد وزي ما الاخ حسن اخذ فرصه وعمل في ناس برضه بطلعلها توخذ فرصه بعدين ملوش بالقصر الا امبارح العصر تصبروا عليه الخير في الجايات ولو انه مش عقد الهمه والعزيمه كان ربنا مسخرلوش كل هالامه تصوتلوا لاي سبب كان … خلص ارتقوا زهقنا

  13. الحل بسيط:
    زفتوا الشارع عن اول وجديد, اعملو مستوى واحد، مع قنوات تصريف للمياه
    المشكله الاهم حاليا، شوارع غير معبدة في الاحياء الهامشيه
    من المحبذ بدء الترميم مع الصيفيه الجاي

  14. خطوات بالاتجاه الصحيح….من اجل البلد كل واحد ممكن يخدم البلد من موقعه وبمهنيته….